Dron mbi shtëpinë e Ramës? Ministria e Mbrojtjes: Ishte helikopter
Aktualitet E Enjte, 15 Prill 2021 10:37
Mediat raportuan sot një dron ka qarkulluar mbi banesën e kryeministrit Rama në Surrel. Kjo gjë duket se ka vënë në lëvizje dhe Gardën.
Por, Ministria e Mbrojtjes e ka mohuar këtë gjë. Ajo shprehet se “nuk kemi të bëjmë me asnjë kërcënim, por është thjesht një stërvitje normale e helikopterëve të Forcave të Armatosura”. Sipas Ministrisë së Mbrojtjes, në këtë zonë, nuk ka qarkulluar asnjë dron, por vetëm helikopterë të ushtrisë, si pjesë e një stërvitjeje normale dhe te programuar.
