“Droni edukues” bën kërdinë në Tiranë! Kap shoferët problematikë që nuk presin në radhë në semafor

Policia rrugore ka gjobitur shoferët të cilët nuk respektojnë rregullat e pozicionit të mjeteve në korsinë e duhur sipas drejtimit të lëvizjes.

Evidentimi i tyre është bërë nga monitorimi me “Dronin edukues” i cili ka kapur drejtuesit e mjeteve që nuk respektojnë këto rregulla.

Ndryshimi i drejtimit apo i korsisë duhet të kryhet në përputhje me parashikimet e nenit 152 të Kodit Rrugor, përndryshe shoferët gjobiten me nga 1000-3000 lekë, ndërsa në rast përsëritje masat ashpërsohen.