Duma: Ja pse nuk shkova në debat me Dakon

Grida Duma shkruante në Fb e saj se “sonte duhej të ishte zhvilluar një debat real midis meje dhe kandidatit tjetër për bashkinë e Durrësit në emisionin Top Shoë”.

“Por, siç i është shmangur përballjes gjashtë herë të tjera duke i anulluar në momentin e fundit, edhe sot, po në momentet e fundit, kërcënoi që nuk do të vinte në debat nëse ne shfaqnim materialet tona me foto dhe video” – shkruante Duma më tej.

“Duke kërkuar po ashtu që pyetjet të ishin të paracaktuara, duke mos pasur më debat por thjesht një koperturë për frikën e Dakos për tu përballur.

Miq të mi, kam përballur debate nga më të ndryshmet politike dhe profesionale, por asnjëherë nuk më është kërkuar kushtëzim dhe censurë. Debati vlen po qe i lirë dhe jo i inskenuar”, – e përfundonte komentin e saj kandidatja e djathtë për Durrësin.