Duma njeh Berishën si kryetar, pasi thotë se Alibeaj është kreu i grupit parlamentar i PD-së

Deputetja e Partisë Demokratike, Grida Duma ka folur rreth situatës së brendshme në selinë blu, e cila vijon të jetë e ndarë më dysh, me grupin që mbështet Sali Berishën dhe atë që mbështet Enkelejd Alibeaj.

E pyetur se cilin nga të dy njeh si kryetar partie, Duma tha se Enkelejd Alibeaj është kryetari i grupit Parlamentar të Partisë Demokratike. Pra për Dumën, Berisha është kryetar partie.

Duma thekson se situata e brendshme në PD është njësoj me situatën në sesionin e kaluar. Po ashtu ajo pohon se kolegët e saj janë më të matur dhe më të hapur për të kryer diskutime të përbashkëta, pavarësisht grupimeve të ndryshme.