Durrës, 3 të rinj në pranga, iu gjetën armë dhe lëndë narkotike
Specialistët e seksionit të antidrogës në Drejtorinë e Policisë së Durrësit kanë arrestuar në flagrancë 3 persona, në zotërim të një sasie lënde narkotike.
Sipas një njoftimi për shtyp, në pranga kanë përfunduar shtetasit shtetasit Florian Kolaj, Bledar Çuni dhe Alban Toska, dy të parët 24 dhe i treti 20 vjeç, të tre banues në Durrës.
Gjatë kontrollit të ushtruar në momentin e arrestimit, tre të rinjve iu gjetën një qese duhani me 8 qese farmaceutike që përmbanin kanabis, me peshë 8 gramë, si dhe një armë e ftohtë që mbanin pa leje.
Materialet i kaluan Prokurorisë pranë Gjykatës së Shkallës së Parë të qytetit bregdetar, për veprime të mëtejshme hetimore, për veprat penale të “trafikimit të narkotikëve”dhe “armëmbajtje pa leje”, përfundon njoftimi për shtyp.