Durrës, bregdeti i zaptuar nga privatët

Paçka se me vendim të Këshillit të Ministrave, 20% e plazheve duhet të jetë publike dhe 80% private, një raport i tillë nuk respektohet. Bizneset private që kanë në administrim vijën bregdetare kanë vendosur çadra deri në breg të detit, duke zaptuar edhe hapësirën e plazhit publik. Të shqetësuar, pushuesit kërkojnë nga pushteti vendor që të ndërhyjë për ta rregulluar këtë situatë, pasi kjo peshon në xhepat e tyre. Përballë kësaj situate, autoritetet duket sikur janë dorëzuar.