Dy femra humbin jetën, aksidentet në Durrës dhe Vlorë

Dy  femra kanë humbur sot jetën në dy aksidente të ndryshme rrugore.

Një femër e paidentifikuar nga policia ka humbur jetën pasi është përplasur nga një kamion në autostradën Durrës- Tiranë. Ngjarja është shënuar pas mesditës në vendin e quajtur Mbikalimi i serave.

Brenda një harku kohor të shkurtër një tjetër aksident me pasojë vdekjen është shënuar në qytetin e Vlorës. Aksidenti ka ndodhur në rrugën e vjetër të Panajasë, ku një automjet tip Peugeot, është përplasur me një Land Rover. Për pasojë ka gjetur vdekjen e menjëhershme drejtuesja e Peugeot, Marjana Cani, 31 vjeçe, nga Mallkeqi i Vlorës.

Mësohet se A. L, 25 vjeç, pasagjer në Land Rover është dërguar me urgjencë në spitalin rajonal të Vlorës. Policia vijon hetimet për zbardhjen e shkaqeve të aksidentit.