Dy metra borë në Theth, pika turistike e bllokuar

Edhe pse jemi në stinën e pranverës, zona të caktuara të vendit ende janë të bllokuara nga reshjet e borës. Pika turistike e Thethit është e pakalueshme për shkak se trashësia e saj arrin deri në 2 metra dhe mosmarrja në dorëzim e rrugës nga bashkia, prej fondit të zhvillimit të rajoneve, ka bërë që zona të mbesë në mëshirë të fatit.

Ka qenë Drejtoria e Përgjithshme i Emergjencave Bivile që ka dërguar një fadromë në aksin Bogë-Theth për të mundësuar hapjen e saj.

“Segmenti rrugor nga Boga në Theth është ndër më të rrezikshmit për shkak jo vetëm të lartësisë dhe rrugës tejet të amortizuar, por edhe si pasojë e rënies së orteqeve. Me këtë ndërhyrje të emergjencave civile pritet që rruga të hapet brenda pak ditësh, por sërish kërkon mirëmbajtje, pasi numri i turistëve në verë trefishohet”, pohon Shemsi Premçi, Drejtor i Emergjencave Civile.

Segmenti rrugor nga Boga në Theth është ndër më të rrezikshmit për shkak jo vetëm të lartësisë dhe rrugës tejet të amortizuar, por edhe si pasojë e rënies së orteqeve. Me këtë ndërhyrje të emergjencave civile pritet që rruga të hapet brenda pak ditësh, por sërish kërkon mirëmbajtje, pasi numri i turistëve në verë trefishohet.