Dy prej të infektuarve me COVID 19 në Shkodër me simptoma të rënda, dërgohen në Tiranë

Vijon të ndiqet situata epidemiologjike në Shkodër pas konfirmimit të 12 rasteve të reja me COVID 19 në lagjet Dobraç dhe Kiras.

Dy nga pjesëtarët e familjeve të infektuara në Shkodër janë dërguar në Tiranë me  moshat përkatëse 66 dhe 78 vjeç, pasi kanë shfaqur shenja të rënduara, ndërsa pjesa tjetër e familjarëve janë në gjendje të stabilizuar.

Ndërsa vazhdon hetimi epidemiologjik mbi kontaktet e tjera të dyshuara në bashkëpunim me strukturat e DVP në të gjitha bashkitë.