Dy të arrestuar në Tiranë, për çfarë akuzohen

Policia e Tiranës ka arrestuar dy persona për vepra të ndryshme penale.

Sipas policisë, është arrestuar një 30-vjeçar i shpallur në kërkim kombëtar dhe një 36 vjeçar pasi drejtonte mjetin në gjendje të dehur.

Konkretisht u bë kapja dhe ndalimi i shtetasit E. Sh., 30 vjeç, i shpallur në kërkim për veprën penale “Mashtrimi”.

Specialistët e Qarkullimit Rrugor bënë arrestimin në flagrancë të shtetasit P. D., 36 vjeç, pasi në fshatin Ballaj, Kavajë, u kap duke drejtuar mjetin në gjendje të dehur, në masën 0.84 mg/l.

Materialet procedurale i kaluan Prokurorisë pranë Gjykatës së Shkallës së Parë Tiranë, për veprat penale “Mashtrimi” dhe “Drejtim mjeti në menyrë të parregullt”, në ngarkim të shtetasve të lartpërmendur.