Dy votat e opozitës për Lindita Nikollën, Nesturi: Paradoks

Për analistin Plator Nesturi, dy votat e opozitës për zgjedhjen e Lindita Nikollës si kryetare e Kuvendit të Shqipërisë, tregon se kemi të bëjmë me një paradoks.

”Sot ka qenë një ditë paradoksesh, dhe një nga paradokset ka qenë edhe fakti që dy vota kanë ardhur nga opozita. Unë besoj se ato vota që i janë bashkuar, përveç votave që kanë ardhur nga PSD-ja votat shtesë duhet të jenë nga partitë e tjera aleate që kanë qenë me PD-në”,– tha Nesturi.

Nga ana tjetër, ai nuk e konsideroi si një ngjarje domethënëse këtë për sa kohë PS i kishte votat e mjaftueshme për ta zgjedhur vetë Nikollën kryetare Kuvendi.