“E bukura e Adriatikut” rikthehet sërish në Shqipëri

Krocera “E Bukura e Adriatikut” u kthye sërish në brigjet shqiptare me 170 turistë nga Belgjika, Franca dhe Zvicra.

Të mbërritur nga Dubrovniku, të shtunën ata qëndruan në Vlorë, për të udhëtuar me tej drejt Sarandës, ishujve greke e për t’u kthyer më pas në Durrës.

Veç bregdetit ata do të udhëtojnë drejt Beratit, Krujës, dhe parqeve arkeologjike të Butrintit e Apolonisë.

Shqipëria edhe këtë vit rekomandohet si një prej destinacioneve të pushimeve në Mesdhe.

Kroçera “La Belle De L’Adriatique” do të rikthehet edhe disa herë të tjera në vendin tonë.