E burgosura shtrohet me urgjencë te Infektivi, gardianët e veshur si infermerë e me armë në duar rrethojnë spitalin

Situata e përhapjes së COVID-19 vazhdon të jetë alarmante në vendin tonë. Ditën e sotme në Spitalin Infektiv është shtruar një paciente femër e prekur nga koronavirusi, kjo e fundit mësohet se po vuan dënimin në një prej burgjeve të Shqipërisë.

LSA ka realizuar disa foto të momentit kur e burgosura është sjellë në ambientet e Spitalit Infektiv me një ambulancë të vjetër, ndërkohë që shoqërohej nga disa gardianë burgjesh të cilët ishin veshur si infermierë.

Ajo që ra në sy gjatë transportit ishin efektivët e burgut, të cilët ishin veshur kokë e këmbë me mjetet mbrojtëse, ndërkohë që në dorë mbanin armët automatike.