E dielë, vranësira dhe temperatura deri më 39°C

Kjo e dielë do të jetë nën dominimin e motit të kthjellët në një pjesë të mirë të territorit.

Në orët në vijim vranësirat do të shfaqen gradualisht në të gjithë Shqipërinë, ku në ultësirën Perëndimore do të ketë alternime kthjellimesh dhe vranësirash.

Në zonat malore vranësirat pritet të jenë më të dukshme, të cilat më të theksuara do të jenë në zonat Juglindore por nuk priten reshje.

Temperaturat e ajrit do të pësojnë rënie të lehtë si në mëngjes dhe në mesditë duke luhatur vlerat ditore nga 16°C deri në 39°C.