E godet me grushte në fytyrë, 65-vjeçari përfundon te Trauma me dëmtime të rënda, arrestohet autori në Këlcyrë

Policia e Këlcyrës ka arrestuar një 51-vjeçar, pasi akuzohet për plagosje të rëndë me dashje.

Në pranga ka rënë shtetasi B. S., i cili ka goditur me grushte në fytyrë një 65-vjeçar, duke i shkaktuar dëmtime të rënda, dhe duke përfunduar te Spitali i Traumës.

Njoftimi i policisë:

Nga shërbimet e Postës së Policisë Këlcyrë u bë ndalimi i shtetasit B. S., 51 vjeç, banues në fshatin Beduqas, Këlcyrë.

Ky shtetas, mëngjesin e datës 26.05.2021, ka goditur me grushte në fytyrë, për motive të dobëta, shtetasin Y. L., 65 vjeç, banues në fshatin Beduqas, i cili është rrëzuar dhe ka marrë dëmtime të rënda. 65-vjeçari ndodhet në kujdesin e mjekëve, në Spitalin e Traumës në Tiranë.

Materialet i kaluan Prokurorisë pranë Gjykatës së Rrethit Gjyqësor Përmet, për veprime të mëtejshme, për veprën penale “Plagosja e rëndë me dashje”.