E mbështet Rama kundër Dukës? Erion Veliaj: Kjo është beteja ime

Kreu i Bashkisë së Tiranës, Erion Veliaj, i pyetur në “Repolitix” nëse ka mbështetjen e kryeministrit Edi Rama në betejën kundër kreut të FSHF-së, Armand Dukës, tha se kjo nuk është një betejë kombëtare.

Po nga ana tjetër, Veliaj theksoi se kjo është beteja e tij dhe se as nuk i ka kërkuar ndihmë Ramës.

“Kjo nuk është betejë kombëtare. Edi Rama ka qenë njeriu më i interesuar që të ketë fair play në të gjitha, lufta për të dobëtin dhe dhënia e shansit kujtdo për të patur suksese në jetë, janë parime të pamohueshme të Edi Ramës. Kjo është beteja ime, as nuk i kam kërkuar ndihmë Edi Ramës. Është një rraqe në futbollin shqiptar”.