E përdhunuara: “Nuk kam për ta falur kurrë babain tim”

“Nuk kam për ta falur asnjëherë babain tim”. Kështu u shpreh 18-vjeçarja me inicialet K.L, e cila disa ditë më parë ka denoncuar në Policinë e Tiranës se babai i saj ka abuzuar seksualisht me të. Lidhur me këtë ngjarje, e pyetur nga mediat, vajza shprehet se çdo gjë që ka deklaruar në polici janë të vërteta.

Më tej, edhe pse vajza tregohet e rezervuar të përgjigjet, ajo shprehet se nuk është hera e parë që babai i saj ka abuzuar me të. Po sipas vajzës, abuzimet ndodhnin sa herë që nëna e saj nuk ndodhej në shtëpi.

Ndërkohë, 18-vjeçarja me kokën e ulur poshtë shprehet se ngjarja ka ndodhur rreth gjashtë vite më parë, kur ajo ka qenë në moshë të mitur. E dëmtuara u shpreh se në atë kohë ka qënë vetëm 12 vjeçe dhe kishte pasur frikë që të tregonte mbi këtë ngjarje.