E rëndë në Bulqizë/ 4-vjeçari kafshohet nga qentë në fytyrë, përfundon në spital

Një ngjarje tragjike është regjistruar në Bulqizë, ku një fëmijë 4 vjeç është kafshuar nga qentë në fytyrë. Lajmi konfirmohet për ‘BalkanWeb’nga gazetari Enver Doçi.

Burime bëjnë me dije se 4-vjeçari është nga Shupenza dhe se dyshohet të jetë kafshuar nga disa qen endacakë.

Fëmija po merr ndihmën e nevojshme mjekësore, ndërsa bluzat e bardha do të vlerësojnë gjendjen e tij nëse ka nevojë për mjekim më të specializuar, do ta nisin drejt Tiranës.