E rëndë në Tiranë, gruaja i vë flakën vetes në tualetin e shtëpisë

Një grua i ka vënë flakën vetes ditën e djeshme në kryeqytet. Sipas të dhënave zyrtare, shtetasja me inicialet S.P., 66 vjeçe është lyer me benzinë dhe është vetëdjegur më pas në tualetin e banesës në lagjen “Ali Demi” në Tiranë.

Ngjarja ka alarmuar banorët, ndërsa gruaja është ndaluar nga familjarët dhe është transportuar me urgjencë në spital. Ajo ndodhet nën kujdesin e mjekëve. Nuk dihen ende arsyet e këtij akti ekstrem.

Policia ka nisur hetimet, ndërsa ka referuar materialet në Prokurorinë pranë Gjykatës së Shkallës së Parë Tiranë, për vlerësim.