E trishtë/Covid-19 i merr jetën 31-vjeçarit nga Elbasani, pa sëmundje bashkëshoqëruese

Covid-19 vijon që të marrë jetë njerëzish në vendin tonë dhe shifrat janë të rënda. Mëngjesin e kësaj të mërkure, një 31-vjeçar nga Elbasani pa asnjë sëmundje bashkëshoqëruese ka ndërruar jetë. Ai ishte i shtruar prej 2 javësh në spitalit Covid 2 (Shefqet Ndroqi) në Tiranë.  Javëve të fundit, virusi vdekjeprurës është treguar shumë agresiv edhe te moshat e reja. Ekspertët e shëndetësisë e lidhin këtë me variantet e reja të këtij virusi që duket se kanë hyrë në Shqipëri.