Edhe dy javë të tjera pezullohen të gjitha gjyqet

Duke marrë shkas nga situata e Covid-19 në Shqipëri por edhe si pandemi, autoritetet në vend vijojnë që të marrin ende masa shtesë. Prokuroria e Përgjithshme dhe Këshilli i Lartë Gjyqësor kanë vendosur të pezullojnë dhe me dy javë të tjera të gjithë aktivitetin e tyre të përditshëm, përfshirë dhe proceset gjyqësore.

Mësohet se vendimi pritet të merret në datën 26 mars 2020, periudhë kjo, kur përfundon edhe afati i urdhrit të parë të nxjerrë në 10 mars 2020 nga Keshilli i Lartë Gjyqësor që pezullonte për dy javë të gjitha proceset gjyqësore në vend.

Nga ana tjetër, pritet që KLGJ të shtyjë dhe me dy javë të tjera periudhën e pezullimit të proceseve gjyqësore dhe për këtë gjë do të njoftohen të gjitha gjykatat në ditët në vijim. E njëjta situatë do të ndodhë edhe për prokuroritë e vendit, të cilat në mënyrë të njëtrajtshme me gjykatat do të vijojnë të jenë të pezulluara për një periudhë dy javore.