Edhe këtë vit patatja e Kukësit rrezikon të mos shitet

Ky muaj i gjen banorët e Shishtavecit në ara, aty ku mbledhin pataten, të vetmin prodhim me të cilin toka e tyre tregohet bujare.

Edhe këtë vit rendimenti ka qënë i lartë, por mungesa e tregut mbetet shqetësimi kryesor. Banorët thonë se kanë harxhuar lekë e mund, por janë të frikësuar se mos produkti i tyre do të mbetet në magazina e do të kalbet.

Banor: “Patatet janë të vështira për tu shitur. E kemi të vështirë të jetojmë.”

Në Kukës çdo vit prodhohen rreth 7 mijë tonë patate, pjesa më e madhe e tyre përdoret për nevojat e tregut të brendshëm. Ende nuk është arritur markimi i saj dhe çertifikimi i standartit edhe pse disa shoqata të bujqësisë po merren me këtë proçes.