Edhe Lezha nuk i bindet karantinës, qytetarët dalin për shëtitje dhe blerje

Në qytetin e Lezhës ditën e sotme është parë një prani më e madhe e qytetarëve në rrugë, duke injoruar kështu masat mbrojtëse për koronavirusin, raporton gazetari i Ora News, Elvis Hila.

Moti me diell ka bërë që shumë lezhjanë të dalin për shëtitje dhe një pjesë për të bërë blerjet e nevojshme.

Bizneset vazhdojnë të jenë të mbyllura, ndërsa Inspektoriati i Shtetëror Shëndetësor ka kryer kontrolle në qytet, duke aplikuar edhe gjoba në disa biznese në zonat rurale.

Ndërkohë, policia u ka bërë thirrje me megafon qytetarëve të Lezhës që të rrinë brenda në shtëpi.

Nga ana tjetër, ka një numër të konsiderueshëm personash që janë kthyer nga vendet e prekura me COVID-19.

Numri i tyre është 450, referuar të dhënave të policisë, e cila po i mban nën monitorim këta persona.