Edhe lulet ”preken” nga pandemia e Covid-19

Si gjithë bizneset e tjera dhe ai i luleve duket se ka marrë një goditje serioze nga pandemia e Covid-19. Tregtuesit e tyre thonë se biznesi ka pësuar humbje të ndjeshme të të ardhurave, duke shënuar një ulje me 50-70 për qind më pak fitim se e njëjta periudhe e një viti më parë.

Dasmat janë aktivitetet kryesore që po i ndihmojë këto biznese, por kufizimi i tyre ka sjellë ndikim negativ edhe te këto biznese pasi kush bën një ceremoni dasme zbukuron me lule vetëm makinën e çiftit.

Dyqanet e luleve më së shumti po funksionojnë me buqetat dhuratë kryesisht për ditëlindje, ndërsa porositë më të veçanta mbeten ato të buqetave me 100 apo më shumë trëndafila.

Dyqanet e luleve qëndruan rreth 2 muaj të mbyllura, çka i shkaktoi dhe këtij biznesi dëm ekonomik ku përveç xhiros dhe fitimit të munguar, bimët ekzistuese që ndodheshin në dyqane u dëmtuan pjesërisht ose u thanë.