Edhe pse në spital, Apeli i GJKKO-së lë në burg Lefter Allën

Këtë të premte, Apeli i Gjykatës së Posaçme (GJKKO) ka lënë në burg ish-kryebashkiakun e Bulqizës, Lefter Alla dhe zyrtarët e tjerë të arrestuar. Lefter Alla kërkoi një masë më të butë sigurie se ajo e “arrestit në burg”. Ai nuk u paraqit në seancë, por përfaqësohej nga avokati i tij. Ish-kryebashkiaku ndodhet në spitalin e burgut për shkak të problemeve shëndetësore. Alla akuzohet për shpërdorim detyre dhe shkelje të barazisë në tendera.