Edhe pse sulmet nuk po pushojnë, Rusia thotë se ka përparim të rëndësishëm në negociatat me Ukrainën

Një anëtar i delegacionit rus për bisedimet Ukrainë-Rusi, Leonid Slutsky thotë se është bërë “progres i rëndësishëm” në negociatat me delegacionin ukrainas që nga fillimi i bisedimeve.

“Nëse krahasojmë pozicionet e Rusisë dhe Ukrainës në negociatat në fillim dhe tani, mund të shohim përparim të rëndësishëm”.

Slutsky thekson se kjo është një rrugë e mbarë dhe se ka një pritshmëri që të dy delegacionet mund të arrijnë në nënshkrimin e një dokumenti.

“Unë pres që progresi mund të rritet në një pozicion të unifikuar të të dy delegacioneve dhe në një dokument për nënshkrim”.