Ekstradohet drejt Beogradit 38 vjecari i dënuar nga drejtësia serbe

“Më datën 11.11.2014, në orën 15:00, nga ZQK Interpol Tirana u krye ekstradimi nga Tirana drejt Beogradit të shtetasit Afrim NUREDINI, vjeç 38, lindur në Preshevë/Serbi.

Gjykata e Beogradit me vendimin Nr.N.Okz1.br.2407/13, datë 11.06.2013, dhe Gjykata e Vranje, me vendimin Nr.No.K.br210/10, datë 09.09.2013 e kanë dënuar  me 5 vjet për veprën penale të “Prodhimit dhe shpërndarjes së lëndëve narkotike”dhe me 3 muaj burg për kryerjen e veprës penale të falsifikimit të dokumentave.

Shtetasi Afrim NUREDINI, , është arrestuar më datë 03.08.2014, gjatë kontrollit të pasaportave në P.K.K.Rinas”, thuhet në njoftimin zyrtar të Policisë së Shtetit.