Ekzekutimi i shqiptarit, mediat greke: Autori donte të vriste të gjithë familjen

Vrasja e shqiptarit në Greqi, ka tronditur vendin, pasi mediet raportojnë se është dashur ekzekutimi i gjithë familjes. Detaje të reja kanë dalë në dritë nga atentati i ndodhur mbrëmë në Athinë, ku i vrarë mbeti Edmond Llangozi dhe të plagosur dy djemtë e tij si dhe një kamariere.

Sipas mediave greke, djemtë Anxhelo dhe Mihal Llangozi janë në gjendje të rëndë në spital. Sipas dëshmive të bëra në polici nga bashkëshortja e viktimës dhe autorit, sherri ka nisur për një mosmarrëveshjeje për një borxh financiar.

Mediat greke shkruajnë se është identifikuar autori i kësaj masakre, ai është një 54-vjeçar i cili fillimisht është konfliktuar fizikisht me viktimën dhe më pas ka nxjerrë armën dhe ka qëlluar. Nga ana tjetër, mediat citojnë një oficer të forcave speciale tha se autori i masakrës së djeshme kishte për qëllim që të vriste të gjithë familjen para tij.