Elon Musk: Rënia ekonomike në të gjithë botën do zgjasë edhe një vit e gjysmë

Themeluesi dhe CEO i Tesla, Elon Musk mendon se rënia ekonomike globale mund të zgjasë edhe një vit e gjysëm.

Në Twitter herët të premten, njeriu më i pasur në botë tha se recesioni mund të vazhdojë deri në pranverën e 2024.

Vërejtjet erdhën si përgjigje ndaj një postimi nga Billy Markus, bashkë-krijuesi i Dogecoin, i cili vuri në dukje se numrat aktualë të Covidit janë mjaft të ulëta.

‘Unë mendoj se gjithçka për të cilën duhet të shqetësohemi tani është recesioni global dhe apokalipsi bërthamor”, shkruajti Musk “Sigurisht që do të ishte mirë të kishim një vit pa një ngjarje të tmerrshme globale”.

Dhe teksa u pyet deri se sa gjatë mendonte se do të zgjaste recesioni ai u përgjigj: “Vetëm hamendësimi, por ndoshta deri në pranverën e ’24”.

Musk bëhet titani i fundit i korporatës që shpreh rezerva për ekonominë.

Në një postim në Twitter të mërkurën, themeluesi i Amazon, Jeff Bezos tha se është koha për të shtrënguar kapakët në përgatitje për ujërat e vështira ekonomike përpara.