Elvis Roshi në prokurori (edhe 20 punonjës të bashkisë Kavajë)
KLSH kallzoi në prokurori kryetarin e baskisë së Kavajës, Elvis Rroshi për shpërdorim detyre.
Pas një auditimi nga janari 2013 deri më 31 Dhjetor 2014 nga ky institucion, u konstatuan një sërë parregullsish dhe shkeljesh të dispozitave ligjore në fushën e urbanistikës dhe prokurimeve të fondeve publike. Parregullsi qe kanë shkaktuar një dëm ekonomik me vlerën e 33 milion lekëve.
KLSH kallëzoi në organin akuzës edhe 10 punonjës të kësaj bashkie, 2 drejtor të bashkisë, 2 ish-drejtor, 3 përgjegjës sektori, dhe 3 punonjës të tjerë.
Mbi shkeljet në fushën e prokurimeve, sipas KLSH, janë konstatuar 14 raste. Përdorimi i standardit të dyfishtë sa i përket vlerësimit të operatorëve ekonomik pjesëmarrës në tender.
Disa kompani janë favorizuar padrejtësisht.
Në disa raste te tjera janë s;kualifikuar padrejtësisht operatoret ekonomikë si rezultat i llogaritjes gabim të ofertës ekonomike.
Shkeljet në fushën e urbanistike nga auditimi janë vërejtur në 32 raste.
Në 20 raste të miratimit të lejeve të ndërtimit për punime në infrastrukturë, nuk ishte plotësuar dokumentacioni përkatës teknik e ligjor.
Në 12 raste te tjera në lejen e dhënë për ndërtime private nuk është zbatuar distanca nga kufiri i pronës si edhe nuk është ngritur këshilli teknik i bashkisë.
Bazuar në shkeljet e konstatuara në këtë auditim, KLSH ka rekomanduar dhënien e masave të ndryshme disiplinore dhe administrative, për 56 punonjës të Bashkisë Kavajë, si “Largim nga shërbimi Civil”, “Zgjidhje e Kontratës së Punës” etj. Në 10 raste masat e rekomanduara janë për Drejtues të Nivelit të Lartë dhe në 5 raste për Drejtues të Nivelit të Mesëm.