EMRAT/ Rafineri heroine në apartament, drejtësia italiane jep dënimet për tre shqiptarët

Është mbyllur procesi gjyqësor për tre shtetas shqiptarë të cilët u arrestuan në muajin korrik të 2020-ës teksa në apartamentin e tyre u zbulua një laborator heroine.

26-vjeçari Mateo Gjepali dhe 33-vjeçari Armand Kapidani u dënuan me 10 vjet, përveç një gjobe prej 82,000 euro, ndërsa Gazmend Gjepali, kushëriri 28-vjeçarit, mori një dënim prej 11 vite burgim dhe 84,000 euro gjobë, shkruajnë mediat lokale në Rimini.

Mateo Gjepali, i konsideruar si një element i shquar i trafikut të drogës në veri të Italisë, i kishte shpëtuar arrestimit duke u strehuar në Shqipëri. Pasi u kthye në Shqipëri, falë bashkëpunimit midis Policisë së Shtetit, SCIP dhe forcave të policisë shqiptare, ai u ndalua dhe më pas u ekstradua për në Itali.

Mateo Gjepali është trafikanti i dytë i arrestuar me urdhër paraburgimi të lëshuar nga autoriteti gjyqësor Ravenna si pjesë e operacionit të drogës “Pike”, pas kushëririt të tij 28-vjeçar Gazmend Gjepali, i cili u njoftua për urdhrin e arrestit në fund të 2019. Të dy, së bashku me një anëtar të tretë, u akuzuan për posedimin e mbi 40 kg heroinë dhe armë, të gjetura në një apartament në Ravenna në shkurt 2018.

Në veçanti, operacioni arriti kulmin në arrestimin e Gazmendit, në 15 Shkurt 2018 në Rimini nga agjentët antidrogë të Ravenna ndërsa ai po dorëzonte dy kilogramë kokainë dhe një kg hashash të fshehur në makinën e tij, të përgatitur posaçërisht për transportin e drogës.

Në të njëjtën mbrëmje të arrestimit, gjatë kontrolleve në shtëpitë e përdorura, së bashku me kushëririn e tij Mateo dhe Armand Kapidani, 33 vjeç, anëtari i tretë i grupit, ende i arratisur, u gjet një laborator për prerjen, përgatitjen dhe paketimin e një sasie të madhe të heroinës

Burimi: Ora News