EMRI/ Aksident në Skrapar, automjeti bie nga Ura e Blëzeckës, 37-vjeçari i plagosur dërgohet në Tiranë
Aktualitet E Diel, 18 Tetor 2020 15:39
Një aksident ka ndodhur në aksin Skrapar- Prishtë teksa automjeti ka dalë nga rruga dhe ka rënë në urë.
News 24 raporton se ngjarja ka ndodhur saktësisht në Urën e Blëzeckës teksa një 37-vjeçar me emrin Alban Hasanllari ka mbetur i plagosur dhe është dërguar në gjendje të rëndë në Tiranë.
Policia është në vendin e ngjarjes dhe po heton arsyet që çuan automjetin të dalë nga rruga dhe të bjerë nga 100 metra lartësi e urës direkt dhe në lumë. Paraprakisht dyshohet të jetë shpejtësia e lartë e automjetit.
