Ende 76 shqiptarë në Siri, ja plani që paraqet Instituti për Demokraci dhe Ndërmjetësim

Në Siri janë ende në kampet si Al-Hol, edhe 76 shqiptarë. Instituti për Demokraci dhe Ndërmjetësim, ka prezantuar disa sugjerime për sa i përket ekstremizmit të dhunshëm dhe specifikisht përgatitjes së palës shqiptare për rehabilitimin dhe riintegrimin e tyre.

Sipas këtij instituti nevojitet një strategji për të trajtuar çështje që janë specifike për komunitetet e cenueshme, ku të trajtojë të gjitha format e ekstremizmit të dhunshëm si dhe këshillohet përmirësimi i hapësirës qytetare në Shqipëri.

Forcimi i kapaciteteve të institucioneve të qeverisjes vendore, në veçanti, është nevojë urgjente për të përmirësuar vazhdimisht performancën e tyre në ofrimin e shërbimeve.

Institucionet arsimore dhe shoqëria civile duhet të rrisin përpjekjet për trajtimin e shkaqeve bazë dhe efekteve të stereotipave, paragjykimeve dhe diskriminimit shoqëror me bazë ideologjike.