Epidemiologu Memsuri dhe anëtar i kryesisë së LSI Durrës: Me 2,000 teste në ditë nuk funksionon

Epidemiologu Nestor Memsuri, njëherësh edhe anëtar i kryesisë së LSI Durrës, ka komentuar shifat e fundit të bëra publike nga Ministria e Shëndetësisë, sa i takon pandemisë së Covid-19. Ai thotë se duhen mbi 10,000 teste në ditë për ta patur në kontroll situatën. ”Duhet të shpërndahen testet e shpejta në qendra shëndetësore dhe spitale që të merret sa më shpejt shërbimi për qytetarin. Duhen licensuar sa më shpejt mjekët dhe infermierët. Dhe duhen shtuar grupet e terrenit për të kryer testimet. Duhet hequr kriteri i tamponit për rimbursimin e ilaçeve të Covid dhe duhet të jetë mjeku i familjes që jep vlerësimin”,-shkruan më tej.

Postimi i plotë

809 raste të reja dhe 12 humbje jete gjatë 24 orëve të fundit si pasojë e Covid-19. 18 raste infektimi në Durrës. Praktika me 2,000 teste në ditë nuk funksionon.

Duhen mbi 10,000 teste në ditë për ta patur në kontroll situatën. Duhet shtuar numri i testimeve. Duhen testuar me testet e shpejta personeli shëndetësor, arsimor dhe punonjësit e Policisë së Shtetit. Po humbim jetë të bluzave të bardha ndaj shtoni testimet për personelin shëndetësor.

Duhet të shpërndahen testet e shpejta në qendra shëndetësore dhe spitale që të merret sa më shpejt shërbimi për qytetarin. Duhen licensuar sa më shpejt mjekët dhe infermierët. Dhe duhen shtuar grupet e terrenit për të kryer testimet. Duhet hequr kriteri i tamponit për rimbursimin e ilaçeve të Covid dhe duhet të jetë mjeku i familjes që jep vlerësimin.

Duhet Testim-Gjurmim-Trajtim. Në të kundërt situata do vazhdojë të jetë alarmante. Mbroni shëndetin publik.
Jeta e shqiptarëve është e shtrenjtë.