Epidemiologu: Sivjet gripi është zhdukur në Shqipëri

Pjesë e rubrikës “Kujdes Shëndetin” tek “E Diela Shqiptare” ka qenë epidemiologu i njohur Ilir Alimehmeti i cili ndër shumë informacionesh të tjera, ka treguar se në Shqipëri dhe në të gjithë hemisferën veriore nuk ka grip por vetëm Covid.

Enkel Demi: Ju përmendët gripin normal, sezonal. Ka gjasa që unë kam temperaturë tani, jam duke parë doktor Ilirin në televizor por jam me grip jo me Covid.Ilir Alimehmeti: Sivjet gripi është zhdukur, nuk ka grip dhe si duket kur janë këto simptoma, gjasat më të mëdha janë të Covid-19 dhe kërkohet testi.Enkel Demi: Pra në këto moment që flasim, vetëm në këtë vit i bie që çdo grip është Covid?Ilir Alimehmeti: Dhe jo vetëm në Shqipëri, është në të gjithë hemisferën veriore që po e vemi re këtë. Nuk e vumë re shumë në hemisferën jugore. Kur ne ishim në verë ata ishin në dimër, atje nuk u vu shumë re kështu, por në hemisferën veriore jemi komplet situatë tjetër.Enkel Demi: Ndoshta virusi ka ndryshuar dhe na ka dhënë këtë gjë?Iliri Alimehmeti: Jo, është edhe popullata që është ndryshe por është edhe fakti që masat që u morën ishin muajt e para për ata dhe masat ishin pak më ndryshe në krahasim 6 muaj mbrapa që flasim neve sot. Ndërgjegjësimi është më i madh, ka ardhur duke u rritur. Duhet të marrim parasysh që hemisfera jugore ka një moshë mesatare shumë më të ulët sesa çka hemisfera veriore. Risku më i madh është për të mëdhenjtë dhe si rrjedhim kujdesi është më i madh në hemisferën veriore. /tvklan.al