Era e fortë, probleme me ankorimin e anijeve në Durrës

Erërat e forta kanë shkaktuar probleme sot në ankorimin e anijeve dhe trageteve në Portin e Durrësit.

Kështu, deti i trazuar këtë mëngjes të shtune ka bërë që vetëm 1 nga 3 tragetet e linjës Bari-Durrës të mund të ankorohet në port, ndërsa dy të tjerët qëndrojnë në pritje.

Për shkak të rrezikshmërisë që paraqesin dallgët, autoritetet portuale në Durrës kanë vendosur ndalimin e daljes në det edhe të anijeve të peshkimit.