Erion Veliaj dhe Ajola fotografohen te Parku i Liqenit duke shëtitur Kajanin

Kryebashkiaku Erion Veliaj është fotografuar ditën e sotme bashkë me bashkëshorten e tij Ajola, dhe djalin e tyre Kajan, duke shëtitur në Kodrat e Liqenit Artificial.

I veshur sportiv, Veliaj ka preferuar që karrocën e djalit ta shtyjë vetë nëpër rrugicat e Parkut të Liqenit, ndërkohë që sikurse shihet nga fotot e siguruara nga redaksia, është mjaft i qeshur teksa bisedon me bashkëshorten e tij, e cila gjithashtu është veshur sportive.

Pak ditë më parë, kryebashkiaku i Tiranës Veliaj ndau një foto ku shfaqej teksa ushqente të birin, i cili këtë shtator ka bërë 11 muaj.