Erion Veliaj: Kemi zgjedhur të merremi me punë, jo me llogje

Kryetari i Bashkisë së Tiranës, Erion Veliaj ishte në shtëpinë e re të Islam Dervishit në Farkë, e cila u dëmtua nga tërmeti i nëntorit 2019 dhe sot është rindërtuar më e madhe dhe më e fortë.

Veliaj tha se është moment i mrekullueshëm kur viti mbyllet me punë të mira dhe se tashmë Farka është një vend i lakmuar nga të gjithë, falë investimeve që janë bërë nga projekti i rindërtimit dhe Bashkia e Tiranës.

“Ne kemi dy mundësi: Ose të merremi me logje, t’i vëmë gjoba njëri-tjetrit, ose merremi me punë, që të ngelet një vepër konkrete, një ndërtesë, një shtëpi, një pallat, një kopësht, një shkollë, një çerdhe, një park. Me këtë moto, me fokusin te puna, jemi si dita me natën. Farka ishte një nga vendet më të prekura nga tërmeti, me rreth 100 shtëpi të dëmtuara, por sot themi se janë rindërtuar 100 vila, sepse këto janë vila”, u shpreh Veliaj.