Erion Veliaj komenton protestën e opozitës para Parlamentit: E degraduar dhe zhgënjyese

Kryebashkiaku i Tiranës, Erion Veliaj, nga ceremonia e fillimit të punimeve për Qendrën Kombëtare të Kulturës për Fëmijë, komentoi edhe protestën e opozitës para Parlamentit ditëne  hënë, duke e cilësuar si të degraduar dhe zhgënjyese.

“Kur pashë pamjet e asaj proteste me fishkëllima e ulërima, të bësh një teatër fëmijësh të duket një punë shumë serioze.

Kur shikon se si të rriturit kanë degraduar, si një pjesë e politikës ka degraduar, më duket shumë më serioze biseda sot për një teatër kukullash e një teatër fëmijësh se sa disa nga ata që kinse peshohen në gravitetin e seriozitetit dhe në fakt zhgënjejnë me ato performanca”, tha Veliaj.