”Ethet” e emrave për zgjedhjet lokale, Rama nesër takim me kryebashkiakët

Edhe pse zgjedhjet lokale do të mbahen në 2023, duket sikur do të ishin nesër. Kjo për shkak se puna ka nisur dhe partitë politike e flasin çdo ditë. Për këtë edhe nesër kreu i Partisë Socialiste, Edi Rama do të zhvillojë një takim me të gjithë kryebashkiakët socialistë.

Nga Rama deri më tani 3 emra janë të sigurtë, Erion Veliaj do të garojë për Tiranë, Andis Salla për Cërrikun, ndërsa Dritan Leli nuk do ta ketë një shans të tretë për të drejtuar Vlorën.

Hera e fundit që kreu i qeverisë i mblodhi të parët e bashkive ishte në fund të korrikut në Pogradec, ku secili prej tyre bëri një bilanc përpara kryeministrit për punën në bashkinë që përfaqëson.