Ezaurimi i vaksinave në Shqipëri, flasin qytetarët

Duket se vrulli i vaksinimit masiv është stopuar, kjo pasi 250 mijë dozat e vaksinave Coronavac të mbërritura nga distributori turk në Shqipëri janë ezauruar.  Qytetarët që presin dozën e dytë, kanë ditë të tëra që vihen në radhë, por përgjigjja është e njëjta, “s’ka vaksina”.

Probleme janë hasur edhe në qendrat shëndetësore, si dhe në stadiumin Air Albania. Dozat e dyta të vaksinave kanë përfunduar dhe të moshuarit orientohen drejt sheshit Skënderbej. Sipas Erida Nelajt, ISHP ndoqi një skenarin e Organizatës Botërore të Shëndetësisë për të vaksinuar sa më shumë qytetarë.

Autoritetet njoftojnë se janë kryer 700 mijë vaksinime. Në javën e fundit ka një rënie të numrit të vaksinimeve me afro 25%. Të dhënat tregojnë se edhe në raport me vendet e BE-së, Shqipëria është mbrapa sa i përket dozave të kryera. Kjo situatë reflektohet në terren me zvarritje e kryerjes së vaksinave. Qytetarët thotë se vaksinimi masiv funksionoi vetëm për fushatën elektorale.