Fati i kryebashkiakëve të djathtë, Basha pret Nishanin

Kryebashkiakët ende në detyrë të Partisë Demokratike, zhvilluan paraditen e sotme një takim me kryetarin Lulzim Basha, në selinë blu. Takimi u zhvillua me dyer të mbyllura dhe pa praninë e medieve, por mësohet se në fokus të diskutimit ka qenë fati i tyre pas zgjedhjeve të 30 qershorit. Në selinë blu ka mbërritur edhe ish-presidenti Bujar Nishani, që aktualisht ka postin e Kryetarit të Këshillit Kombëtar në këtë forcë politike. Nishani do të ketë një takim me Lulzim Bashën, pas mbledhjes së kryebashkiakëve demokratë.