FBI-ja shqiptare/ 32 vende vakante në BKH, por 421 nisin sot testimin e arsyetimit logjik

Në garë për një vend në FBI-në shqiptare, janë 421 kandidatë për 32 vende vakante në Byronë Kombëtare të hetimit, ku sot kanë nisur testimin e arsyetimit logjik me shkrim. Provimi po zhvillohet në mjediset e Pallatit të Kongreseve nën organizimin e Akademisë së Sigurisë. Kandidatët që do kualifikohen do të zhvillojnë në qershor testimin fizik. BKH-ja është pjesë e Strukturës së Posaçme kundër Korrupsionit dhe Krimit të Organizuar (SPAK) dhe drejtohet nga Aida Hajnaj.