Fëmija shqiptar vetëm 2 vjeç bie nga kati i tretë i pallatit në Itali

Një fëmijë shqiptar, vetëm 2 vjeç, ra nga kati i tretë i një pallati në Monza, Itali. I vogli ishte lënë nga prindërit nën kujdesin e gjyshit pasi shkonin të punonin.

Fëmija, pasi është zgjuar, është ngjitur në një karrige pranë dritares. 2-vjeçari është zvarritur derisa ka rënë nga dritarja.

Mësohet se gjendja e të voglit është shumë e rëndë. Ai është në luftë me jetën.  Sipas raportimeve të para, ngjarja ka ndodhur në një moment shpërqendrimi të gjyshit. Kur ndodhi incidenti ai ka qenë në kuzhinë.