Fëmijët romë pa shkollë

Për të gjithë ata nxënës që nuk kanë pasur mundësi që të ndjekin mësimet online, Ministria e Arsimit po i zëvëndëson 40 orët e mësimit në shkolla. Stela sapo është kthyer nga shkolla 9-vjeçare Androkli Kostallari. Dy javë para se të fillojë klasën e katërt, ajo do të zhvillojë mësim për temat që nuk ka ndjekur dot online. ”Mësova për numrat, tabelën e shumëzimit”, thotë Stela. Gazetarja: Sa bëjnë 2*2? “Mmmm nuk e di dhe aq mirë”, thotë Stela.

Të bindur se 40 orë mësimore për nxënësit e klasave të 1 deri në të 5 nuk zëvendësojnë shkëputjen disa mujore që fëmijët patën nga bankat e shkollës, fillimisht prej tërmetit e më pas prej sëmundjes infektive, prindërit rom i kanë mbajtur ata në shtëpi, edhe pse e dinë rëndësinë e arsimit.

Familjarët e nxënësve të klasave nga e 6 dhe lart vënë në pikëpyetje vijimin e shkollës, për sa kohë mendojnë ata , fëmijët e tyre do të ndihen të pabarabartë me të tjerët në procesin mësimor.