Fermerët presin pemët e mollëve në Korçë. Nuk shitet prodhimi

Problemi i vjetër i mungesës së tregut për shitjen e mollëve ka rënduar situatën e tyre në zonën e Devollit.

Fermerët e zhgënjyer vit pas viti nga mollët e mbetura stok të cilat nuk shiten dhe hidhen çdo sezon, kanë nisur t’i presin pemët e tyre ndërsa tregojnë se përballen jo vetëm me një dëm financiar të konsiderueshëm por mbeten edhe përballë një situate të pazgjidhur në vazhdimësi.

Por më tej rrafshimi i pemëtoreve duket se po shkakton një efekt domino pasi fermerët po i presin pemët njëri pas tjetrit.

10% e pemëtoreve janë prerë deri tani ndërsa gjatë muajve në vazhdim kjo shifër pritet të rritet dhe më shumë.