Festë dhe dhurata nga Vodafone në këtë prag fundviti

Vodafone City mbyll me sukses edicionin e dytë

Vodafone Albania zgjodhi të mbyllë siparin e edicionit të dytë të lojës Vodafone City me një super festë në zonën e ish-bllokut në Tiranë. Fituesë, qytetarë dhe klientë Vodafone iu bashkuan festës që solli një atmosferë të paharrueshme për të pranishmit këtë pasdite.

Pas një suksesi të pakrahasuar në fazën e parë të Vodafone City, Vodafone vendosi të sjellë pak javë më parë këtë super lojë në rang vendi, duke u ndalur në 10 qytete të ndryshme. Vodafone City u kthye në një sfidë emocionuese për shumë të rinj, të cilët shkarkuan aplikacionin në telefonin e tyre në kërkim të misterit të qytetit të tyre.

Vodafone shpërndau për lojtarët e Vodafone City më shumë se 11,000 dhurata të ndryshme si iPhone 6s, iPhone 6, Vodafone Smart Prime 6 dhe shumë e shumë paketa komunikimi Vodafone Club.

Mes një feste të hapur për të gjithë me muzikë nga DJ Aldo dhe këngëtari EugentBushpepa, fituesit e Vodafone City ndanë me pjesëmarrësit emocionet e lojës dhe fitores.

Vodafone City, aplikacioni lojë i zhvilluar nga Vodafone do të vijojë të vijë me surpriza të tjera në edicionet e ardhshme duke nxitur imagjinatën dhe interesin e të rinjve me sfida intriguese dhe tërheqëse.