Gjergj Luca në Festivalin e Peshkatarëve në Pogradec: Ju reflektoni shpirtin dhe mikpritjen lasgushiane

“E mbajtëm fjalën dhe ja ku jemi. Festivali i Peshkatarëve Shqiptarë nisi rrugëtimin në Pogradec për të vazhduar më pas në çdo qytet që laget nga lumi, liqeni e deti dhe ku ka peshkatarë amatorë e profesionistë. Atdheu ynë i bukur sado që shahet e mallkohet, lartësohet më i fortë se kurrë mbi sharësit, hajdutët dhe mallkuesit që punë i prishin vetes jo Shqipërisë. Gëzuar të gjithë peshkatarëve!, shkruan Gjergj Luca në rrjetet e tij sociale.

Me iniciativën dhe predispozitën e tij personali ka marrë jetë një eventet më domethënëse që ka për qëllim të kthejë në traditë Festivalin e Peshkatarëve, eventin që nisi në Pogradec për të zgjeruar hartën në vitet në vijim, për të prezantuar, promovuar, përfaqësuar dhe mbrojtur një sipërmarrje që ka një vend të konsiderueshëm në progresin ekonomik.

Sipërmarrësi i njohur i “Rozafës”, Gjergj Luca ka qenë i pranishëm dje në Festivalin e Peshkatarëve që u zhvillua për herë të parë në qytetin e Pogradecit, një nismë e komunitetit të peshkimit e cila pretendon të shndërrohet në festë të përvitshme mbarëshqiptarë.

Gjatë fjalës së tij, Luca vlerësoi mikpritjen e popullit të Pogradecit për përfaqësues të komunitetit të peshkimit nga zona të ndryshme të Shqipërisë.

“Ky qytet ka nxjerr poetë, ka nxjerr Lasgushin me një shpirt të jashtëzakonshëm që ju të gjithë e reflektoni. E reflektoni me mikpritjen tuaj, me dashninë tuaj, me gjithë këta mysafirë që prisni dhe Pogradeci është kampion i turizmit sivjet”, tha sipërmarrësi i suksesshëm i “Rozafës”.

Gjergj Luca tregoi se nga nisi ideja e tij dhe komunitetit të peshkimit për të zhvilluar Festivalin e Peshkatarëve për herë të parë në Pogradec.

“Unë para dy javësh kam qenë në një vizitë në Lin dhe aty jam njohur me disa shkencëtarë që më kanë shpjeguar që 6000 vjet para Krishtit, këtu në Pogradec daton vendbanimi më i vjetër në Europë pranë liqeneve. Dhe komuniteti i parë i peshkimit në mbarë Europën ka qenë në Pogradec.

Studimet e NASA-s, liqeni i Ohrit apo liqeni i Pogradecit siç na pëlqen ne të themi, është liqeni më i vjetër në Europë. Këto dy gjëra na ngacmuan ne si komunitet peshkimi që ta fillonim këtë festë, që ne do ta bëjmë mbarëshqiptare dhe mbarë mesdhetare, ta fillonim nga Pogradeci”, tregoi ai.

I vlerësuar nga respekti që i ka bërë qyteti atij dhe gjithë peshkatarëve që u mblodhën për herë të parë në Pogradec këtë vit, Gjergj Luca premtoi se vitin e ardhshëm mbështetja do të jetë edhe më e madhe për këtë qytet.

Ai nuk kurseu as fjalët e mira për kryebashkiakun socialist Ilir Xhakolli, i cili e ka shndërruar bashkinë që drejton në një prej zonave me turizmin më të lartë këtë sezon ën Shqipëri.

“Vitin tjetër ju garantoj, që me këtë mikpritje që më ka bërë Pogradeci dhe me këtë kryetar bashkie që ju keni, ju keni një kryetar bashkie që ka punuar 30 e ca vjet në administratë dhe është i vetmi njeri që unë mbaj mend që nuk i shikonte subjektet nga duart, por i shikonte me dashuri për t’ia mbushur duart.

Ky është ndryshimi i Xhakollit tuaj që keni këtu. Le ta mësojnë të gjithë kryetarët e bashkive të Shqipërisë, të vijnë të marrin shembull në këtë qytet të vogël me një shpirt kaq të madh, me një kryetar bashkie modest, sesi priten njerëzit, me çfarë respekti trajtohen njerëzit”, përmbylli sipërmarrësi Gjergj Luca.