Festivali “Unum” në Lezhë, kryebashkiaku Ndreu: Do të jenë 8 mijë të huaj

Kreu i bashkisë së Lezhës, Pjerin Ndreu shprehet optimist për sezonin turistik. Ai thotë se 65% e turistëve në Lezhë janë nga Kosova. Ndreu po ashtu zbuloi se në festivalin “Unum” që nis më 1 qershor, kanë konfirmuar pjesëmarrjen 8 mijë turistë të huaj.

”Strukturat akomoduese janë përmirësuar shumë. Ne jemi munduar që rregullin në plazh ta vendosim siç duhet. Mendoj se presim të jetë i mbarë.

Më 1 qershor startojmë me një bum klientelë që shumica e tyre janë të huaj. Kanë konfirmuar pjesëmarrjen 8 mijë.

Kemi një platformë ku ka gjithçka që ka Lezha në google. Lezha ka një bregdet. Pastaj kemi objektet historike të Lashta, kemi kalanë, Gjergj Kastriotin, kemi shtëpinë e Fishtës”.