Fjalori i kolegëve në përgjime, ministrja i dënon por hesht për akuzat

Veç indicieve për krim elektoral, ajo çfarë ra në sy në përgjimet e fundit të “Bild” ishte dhe fjalori që përdornin mes tyre funksionarë të lartë të PS, përfshirë ish-Ministra. Ministrja e Drejtësisë, Etilda Gjonaj, thotë se nuk e pranon as vetë nga aspekti etik. ”Të mos e përgjithësojmë. Është një bisedë e shkëputur, mes miq dhe shokësh.Në aspektin etik edhe unë personalisht nuk e pranoj këtë gjë. Por nga ana tjetër kemi të bëjmë me një përgjim në ambjent privat, bisedë private, edhe kodi penal e dënon nxjerrjen e përgjimeve private kur nuk janë të autorizuara”.